Comezo

Iniciar Terminal

O xeito máis sinxelo de iniciar Terminal é usar o menú de aplicativos do seu escritorio; en Xfce, poña o cursor do rato sobre o escritorio, prema o botón dereito do rato e seleccione SistemaTerminal.

Tamén pode iniciar Terminal dende unha liña de ordes ou desde un Iniciador de aplicativo. Simplemente prema Alt+F2, introduza Terminal e prema no botón Executar.

Cando inicia Terminal por primeira vez

Cando inicia Terminal por primeira vez, o aplicativo abre unha xanela de terminal cas opcións predeterminadas.

Exemplo dunha xanela predeterminada de terminal

A xanela de terminal mostra un indicador de execución onde pode introducir ordes de UNIX. O indicador de execución pode variar dependendo da configuración do seu shell. O cursor está situado no indicador de execución. Cando introduce unha orde de UNIX e preme Intro, o ordenador executa a orde. Por defecto, @PACKAGE_NAME usará a shell de inicio de sesión do usuario que inicia o aplicativo (/bin/bash en caso de ser unha instalación predeterminada de Linux).

Terminal define as seguintes variables de contorno para a orde que se executa dentro da xanela da terminal:

TERM

Definir a xterm ou xterm-color, pode configurar o valor no diálogo de preferencias.

COLORTERM

Definido como Terminal por defecto.

DISPLAY

Por defecto o seu valor é a pantalla X11 da terminal.

IDXANELA

Por defecto o seu valor é o identificador de xanela X11 da terminal.

Traballar con varias terminais

Terminal proporciona unha funcionalidade de lapelas que lle permite abrir varias terminais dentro da mesma xanela. Cada terminal ábrese nunha lapela separada. Prema na lapela apropiada para mostrar a terminal na xanela. Cada terminal en lapela dunha xanela é un subproceso separado, de xeito que pode usar cada terminal para unha tarefa diferente.

Exemplo dunha xanela de terminal con lapelas

Consulte « Uso » para obter información sobre como abrir unha nova terminal con lapelas.

Pode pechar unha lapela da terminal premendo no botón de pechar da cabeceira da lapela ou seleccionando FicheiroPechar lapela na barra de menú.